Германија | Борусија Менхенгладбах потврди дека дефанзивецот Данте по крајот на сезоната ќе го засили Баерн Минхен...

Од поодамна се шпекулира дека 28 годишниот Бразилец е трансфер цел на Баерн Минхен, откако управата на Баварците се сложила да ја плати откупната клаузула во неговиот договор вредна 4,7 милиони евра.

Борусија Менхенгладбах на својата веб страна утрово официјално ги потврди сториите на весниците, и соопшти дека по крајот на сезоната Данте ќе се пресели на Алианц Арена.

“До неодамна Борусија се надеваше дека тој ќе одлучи поинаку, но сега е официјално: дефанзивецот Данте летоска ќе се пресели во Баерн Минхен.” – гласеше соопштението на тимот од Менхенгладбах.

Самиот Данте рече: “Баерн Минхен е еден од најголемите клубови во светот.”

“Во Баерн ќе имам прилика да играм на највисоко ниво и да освојувам титули. Имам 28 години и би сакал да го направам следниот чекор во кариерата.”

“Борусија стори се што можеше да ме задржи. Тука играм речиси три ипол години и си поминав прекрасно.”

“Сакам да им се заблагодарам на прекрасните фанови, жал ми е што заминувам, но ваквите одлуки се дел од фудбалот.”

Powered by: 24 FUDBAL.com.mk