Лига на Шампиони | Арјен Робен вели дека Баерн Минхен прикажал одлични перформанси на реванш средбата со Реал Мадрид, и нивниот пласман во финале од Лигата на Шампионит е наполно заслужен...

Кралевите добро ја започнаа средбата и многу рано направија водство од 2-0, но Баерн Минхен се врати во игра со погодокот на Арјен Робен од пенал во 27. минута.

Баварците беа рамноправен противник на Сантијаго Бернабеу, останаа смирени при изведувањето на пеналите и се пласираа во финалето од Лигата на Шампионите.

Арјан Робен, кој две години го носеше дресот на Реал Мадрид, по финишот на средбата рече: “Можеме да бидеме горди на самите себе и она што го постигнавме.”

“Губевме со 2-0 по 14 минути игра, но успеавме да се опоравиме. Заслуживме да се пласираме во финалето. Покажавме одлични перформанси, одигравме добро и тимот заслужува честитки.”

Со елиминацијата на Реал Мадрид, Баерн Минхен стана првиот тим што ќе игра финале од Лигата на Шампионите на својот стадион.

“На полувремето си рековме дека можеме да го постигнеме ова.” – продолжи Холанѓанецот. “Увидовме дека контролиравме определени периоди од средбата и бевме подобриот тим.”

“Но во исто време бевме свесни дека е потребно да бидеме внимателни бидејќи Реал Мадрид има одлични фудбалери во нападот.”

“Пред почетокот на двете продолженија, почувствувавме дека имаме мала предност. Почувствувавме дека дел од нивните фудбалери се заморени. Мислам дека нашата физичка подготвеност е една од нашите појаки страни, и покажавме дека можеме да одиграме 120 минути.”

Во финалето Робен ќе се сретне со уште еден негов поранешен клуб – Челзи.

“Имав одличен период во Челзи, и среќен сум што тие се пласираа во финалето.”

“Го гледав нивниот дуел со Барселона, одиграа одлично во одбраната, можете да кажете дека го паркираа автобусот пред голот.”

“За нас, да се игра финале на домашен терен е скоро неверојатно. Тоа е одлично, особено за оние фудбалери кои подолго време се поврзани со клубот.”

Powered by: 24 FUDBAL.com.mk