Германија | Билетите за средбата помеѓу Борусија Дортмунд и Баерн Минхен биле продадени за 10 минути, а околу 450 000 фанови пројавиле желба да бидат присутни на Сигнал Идуна Парк...

На пет кола до крајот на сезоната, Борусија Дортмунд има предност од три бода над Баерн Минхен на врвот на табелата.
 
Во среда на Сигнал Идуна Парк двете екипи ќе ги одмерат силите во натпревар кој може да има клучна улога во трката за титулата.
 
Генералниот извршен директор на ’Милионерите’, Ханс Јоаким Вацке вели дека тие не чувствуваат притисок и ќе им биде задоволство што ќе бидат инволвирани во ваков дерби дуел.
 
Тој исто така открива дека сите билети (Сигнал Идуна Парк има капацитет од 80 720 гледачи) биле распродаден за неколку минути, а до клубот пристигнале околу 450 000 барања за билет за големото дерби.
 
“Не чувствуваме притисок од дуелот со Баерн, за нас тоа е задоволство.” – рече Вацке.
 
“Имаме голема почит кон Баерн Минхен, но не се плашиме. Одлично е тоа што ќе бидеме инволвирани во ваков натпревар.”
 
Тој потоа додаде: “Стадионот беше распродаден за 10 минути.”
 
“Добивме околу 450 000 барања за билети. Многумина не се ни потрудија да достават барања бидејќи знаат дека немаат никакви шанси.”
 
Вацке исто така вели дека психолошките игри на Баерн нема да влијаат на нив.
 
“Натпреварите ги добиваат фудбалерите. Мал дел од дуелите се добиваат благодарејќи на тренерот, но со психолошки игри не можете да добиете натпревар.”
 
“Нашите фудбалери се смеаат на вакви работи. Ова е комплетно нова генерација во споредба со минатото.”
 
“Овие момци сакаат само да играат и да победат.”