Англија | Ѕвездата на Фулам, Клинт Демпси вели дека летоска ќе донесе одлука за својата иднина...

Управата на Фулам сака репрезентативецот на САД да остане на Кревин Котиџ, и веќе му достави на фудбалерот понуда за продолжување на договорот кој истекува во 2013.
 
Но со одличните игри оваа сезона, Клинт Демпси го привлече вниманието на гигантите од Премиерлигата, и медиумите шпекулираат дека на адреса на фудбалерот би можело да пристигнат понуди од Манчестер Јунајтед, Арсенал, Тотенхем и Ливерпул.
 
Демпси, кој на средбата со Болтон во саботата беше двоен стрелец и зад своето име оваа сезона има 21 погодок, вели дека нема да избрзува со одлуката за својата иднина.
 
“Ќе видиме што ќе се случи.” – рече 29 годишниот репрезентативец на САД. “Дел од моите најдобри спомени е времето поминато во Фулам. Покрај оваа сезона, имам уште една.”
 
“Разговарам со клубот но ќе треба да почекаме и да видиме што ќе се случи летоска.”
 
“Сакам да се фокусирам на натпреварите што ни преостануваат, а за сите други работи ќе можам да размислувам по крајот на сезоната. ”