Англија | Сер Алекс Фергусон вели дека во овој момент нема планови за Антонио Валенсија да замине на операција на скочниот зглоб по крајот на сезоната...

Неколку весници од Англија утрово објавија дека репрезентативецот на Еквадорд летоска ќе замине ’под нож’ со цел да му се отстрани метална плочка од скочниот зглоб, која му беше вметната пред две години.
 
Сепак ваквите извештаи беа негирани од Сер Алекс Фергусон на денешната прес конференција.
 
“Не знам од каде се појавија овие стории за операција на скочниот зглоб.” – рече Шкотот.
 
“Никогаш на нашата агенда немало операција, ниту пак сме дискутирале за тоа. Точно е дека тој има метална плочка во скочниот зглоб, но во овој момент таа останува таму.”
 
Репрезентативецот на Еквадор во последно време прикажува одлични перформанси, и со неговиот погодок Манчестер Јунајтед стигна до водство на гостувањето кај Блекбурн во понеделникот.
 
“Формата на Антонио е неверојатна.” – продолжи Фергусон. “Кога фудбалерите влегуваат во форма, во топ форма, во овој период од сезоната, тоа е голем бонус.”