Лига на Шампиони | Арбитарот Бјорн Куиперс вели дека тој и неговите колеги одлично си ја завршиле работата на вчерашниот дуел помеѓу Барселона и Милан...

Холанѓанецот го навлече гневот на фудбалерите на Милан откако во два наврати покажа на белата точка во корист на Барселона, а мошне контроверзен беше вториот пенал, кога судијата реши да досуди најстрога казна и покрај тоа што корнерот сеуште не беше изведен.
 
Голем број на фудбалски фанови сметаат дека Куиперс престрого покажал на белата точка за стартот на Неста врз Бускетс, но арбитарот вели дека тој и неговите колеги одлично си ја завршиле работата на Камп Ноу.
 
“Ние (судиите) имавме одлични тимски перформанси, натпреварот се одвиваше онака како што очекувавме.” – рече 39 годишниот арбитар за медиумите од Холандија.
 
Европската куќа на фудбалот не им дозволува на судиите да ги коментираат своите одлуки, но Куиперс индиректно одговори дека не жали за контроверзната одлука.
 
“Фактот дека имаме добро чувство за овој натпревар говори се. Мојот телефон постојано ѕвони, и добивам само комплименти.”