Италија | Агентот на Себастиан Џовинко вели дека нема ништо чудно во интересот на Барселона за услугите на неговиот клиент...

Италијанскиот репрезентативец во дресот на Парма одново го покажува својот раскошен талент, па се почесто се шпекулира дека Себастиан Џовинко ќе биде на мета на голем број топ клубови во летниот трансфер период.
 
Во последно време се говори дека и Барселона добро внимава на игрите на плејмејкерот, а агентот на фудбалерот вели дека нема ништо чудно во сето ова.
 
“Нема ништо чудно во интересот на Барселона, и во овој момент не можам да отфрлам ништо.” – рече Клаудио Пасквалин за медиумите од Италија.
 
“Тоа е знак дека на момчето му оди одлично во Парма, и голема чест ни е што Барса пројавува интерес.”
 
Агентот на Џовинко потоа додаде: “Прерано е да говориме за конкретни работи, но на трансфер пазарот се може да се случи.”
 
“Единствено нешто што е сигурно, е тоа дека Џовинко целосно е фокусиран на Парма, тој е сериозен професионалец и сака да одигра добро до крајот на сезоната.”
 
Со оглед на тоа дека Јувентус сеуште поседува половина од сопственосата на фудбалерот, се шпекулира дека ’Старата Дама’ би можеле да го врати 25 годишниот плејмејкерот во Торино како замена за Алесандро Дел Пјеро.