Лига на Шампиони | Тренерот на Бенфика, Жорге Жесус вели дека тие имаат квалитет за да победат на Стемфорд Бриџ и да се пласираат во полу-финалето од Лигата на Шампионите...

Бенфика доминираше во поголемиот дел од средбата што се одигра на Естадио да Луз минатата недела, но ’Сините’ со победа од 1-0 се вратија во Лондон по гостувањето во Португалија.
 
“Челзи е во предност бидејќи постигна погодок на првиот натпревар.” – рече Жорге Жесус на вчерашната прес конференција.
 
“Но доколку и ние ја имаме среќата што го пратеше Челзи на првиот натпревар, ќе можеме да победиме во Лондон.”
 
“Ништо не е готово. Имаме квалитет да победиме.”
 
“Секогаш сме играле добро на гостувањата и сме постигнувале погодоци. Знаеме дека имаме индивидуален и колективен квалитет за да го елиминираме Челзи.”
 
“Ќе биде тешко да го промениме резултатот во наша корист, но не и невозможно.”
 
“Очигледно е дека е потребно да постигнеме погодок, ќе одиграме офанзивно, и сигурен сум дека можеме да му создадеме проблеми на Челзи.”