Италија | Антонио Касано денеска доби дозвола да се врати на фудбалските терени, откако минатата година со хирушки зафат му беше отстранета мала срцева мана...

Вчера, десет члена комисија пр Италијанската Федерација за Спортска Медицина му дозволи на напаѓачот да се врати на терените, откако изврши анализа на состојбата на фудбалерот.
 
Утрово Антонио Касано, во придружба на првиот лекар на Милан, Родолфо Тавана, пристигна на тестови во Институтот за Спортска Медицина, кој исто така даде зелено светло за италијанскиот репрезентативец да ја продолжи кариерата.
 
Кон финишот на октомври минатата година, по враќањето од Рим и гостувањето кај Рома, Касано загуби свест на аеродромот во Милано.
 
Тестовите покажаа дека напаѓачот имал мала срцева маана, која успешно беше отстранета со операција.
 
Касано потоа започна да работи на својот фитнес, и неодамна се врати на тренинзите на Милан.
 
Сега тренерот на ’Росоњерите’ Масимо Алегри треба да одлучи кога ќе му даде шанса на Касано одново да истрча на теренот.