Лига на Шампиони | Тренерот на Баерн Минхен, Јуп Хајнкес вели дека тие имаат голема почит кон Марсеј и додава дека ништо не е решено и покрај предноста од два гола...

Баварците минатата недела победија со 2-0 на гостувањето кај Марсеј, и со едната нога се во полу-финалето од Лигата на Шампионите.
 
Но на вчерашната прес конференција, Јуп Хајнкес ги предупреди своите фудбалери дека ништо не е завршено, најави дека тие ќе бидат максимално фокусирани на денешниот дуел, ќе настапат со најдобар тим и ќе одат на победа.
 
“Ништо не е готово.” – рече тренерот на Баерн. “Секако, имаме голема предност. Не примивме гол во Марсеј а постигнавме два.”
 
“Се наоѓаме во добра позиција, но не смее да се заборави дека Марсеј победи со 3-2 на гостувањето во Дортмунд, иако имаше негатива од два гола.”
 
“Имаме голема почит кон нашиот противник и знаеме што може Марсеј да направи.”
 
“Мојот тим е концентриран и фокусиран, и сакаме да победиме на овој натпревар. Марсеј ќе стори се, тие нема што да загубат. Ќе бидат добро подготвени откако не играа изминатиов викенд.”
 
“Но судбината е во наши раце, доколку не загубиме, ќе се пласираме во полу-финале.”
 
Тони Крос, Томас Милер, Жером Боатенг и Луиз Густаво се под закана на суспензија, доколку добијат жолт картон, но Хајнкес најавува дека ќе игра со најдобриот тим.
 
“Никогаш не сум го земал во предвид ова.” – продолжи стратегот. “Морам да играм со конкурентен тим кој ми дава одредени гаранции дека ќе победиме.”
 
“Па затоа не можам да размислувам за тоа кој колку жолти картони имал.”