Шпанија | Фабио Коентрао вели дека медиумите креираат лоша слика за него, и додава дека тој е одличен професионалец и секогаш го дава максимумот...

Португалскиот репрезентативец беше изоставен од составот на Жозе Мурињо на последните два натпревари поради технички причини.
 
Пред неколку дена се појави слика на која се гледа како Фабио Коентрао пуши цигара на прославата на својот 24. роденден, и се говореше дека токму тоа е причината зошто ’Специјалниот’ одлучил да го казни левиот бек.
 
Во интервју за весникот Record, Коентрао истакна дека медиумите креираат лоша слика за него, и вели дека тој е одличен професионалец.
 
За тоа што беше ’уловен’ како пуши цигара, фудбалерот додаде дека се работи само за изолиран инцидент.
 
“Се работеше за мојот роденден, и нешто што се случува многу ретко.” – рече Коентрао.
 
“Многу сум разочаран од она што се пишуваше низ весниците бидејќи никој не може да рече нешто лошо за мене.”
 
“Јас сум одличен професионалец, секогаш сум го давал максимумот за клубовите чии бои сум ги бранел, и не е фер што еден изолиран инцидент фрла сомнеж врз мене.”
 
“Исто така беше известено дека таа вечер имало голема врева во мојот дом, и тоа е уште една лага.”