Англија | Сер Алекс Фергусон на критиките на Патрик Виеира за враќањето на Пол Сколс од пензија одговори со иста мера, и запраша зошто ’Граѓаните’ му дозволија на Карлос Тевез одново да заигра...

Поранешната легенда на Арсенал, кој сега има директорска функција во Манчестер Сити, пред неколку дена сугерираше дека ’Граѓаните’ немаат потреба да се плашат во трката за титулата во Премиерлигата, со оглед на тоа дека се борат со клуб кој донел одлука да го врати Пол Сколс од пензија.
 
Патрик Виеира исто така додаде дека тоа е акт на очајност бидејќи ’Црвените Ѓаволи’ ќе останат без услугите на двајца талентирани млади фудбалери како Равел Морисон и Пол Погба.
 
На ваквите психолошки игри веднаш одговори Сер Алекс Фергусон, кој порача дека тие имаат големо количество муниција за вакви битки.
 
“Доколку за очај се смета враќањето на најдобриот фудбалер од средниот ред од Британија во последните 20 години, тогаш ние можеме да го прифатиме ова.” – рече Шкотот денеска. “Мислам дека тој (Виеира) намерно говореше на оваа тема.“
 
“Мислам дека Роберто Манчини упати мало подбуцнување пред неколку недели. Сите ние ќе играме така. Ќе има големо количество на оружје за психолошки игри.”
 
“Да бидеме јасни, околку заминувањето на Равел Морисон, ние сакавме да го продадеме фудбалерот, поради очигледни причини. Но сакаме Пол Погба да остане.”
 
“Доколку сакате да говориме за очај, Сити пред два дена употреби фудбалер (Карлос Тевез) кој одби да излезе на теренот, фудбалер за кој нивниот менаџер рече дека никогаш повеќе нема да заигра, фудбалерот кој пет месеци беше на одмор во Аргентина... што е тоа?”
 
“Дали ова може да се смета за очај? Ќе има многу оружје (за психолошки игри), не грижете се за тоа.”