Англија | Фернандо Торес не го крие задоволството по постигнатите голови против Лестер, Ел Нињо вели дека напорно работел за да им се врати на погодоците...

И тоа се случи, Фернандо Торес повторно започна да ги тресе противничките мрежи, Нандо имаше одличен натпревар против Лестер, постигна два гола и имаше две асистенции.
 
Торес е задоволен од натпреварот, вели дека сега се чувствува многу подобро.
 
"Потребни ми беа овие голови, работев напорно за ова" - изјави Торес.
 
"Во изминатиот месец тимот игра многу подобро од претходно, ние сме попосветени и мислам дека на последните натпревари покажуваме во кој правец се движи нашата сезона".
 
"Се чувствувам многу подобро. Играв добро но не постигнував голови, во овој натпревар го пронајдов патот до мрежата, па ова беше добар ден за мене".
 
"Најважно е што креираме повеќе шанси од претходно, и кога креираме повеќе шанси ќе постигнуваме и повеќе голови и нема да примаме многу".
 
"Можеби бевме премногу релаксирани на крајот од натпреварот па примивме два гола, но дефанзивно сме многу подобри, и кога нема да примате голови, можете да победувате на натпреварите".
 
"Работата на напаѓачот е да постигнува голови и кога не го правите тоа, луѓето мислат дека играте лошо, но најважна е поддршката од фановите и тие секогаш беа со мене, исто како и моите соиграчи и стручниот штаб".
 
"Ја чувствувам довербата од менаџерот сега и ова е добар период за мене и за Челзи, сега сме во последните два месеци од сезоната кога доаѓаат најважните натпревари".