Шпанија | Тренерот на Реал Мадрид, Жозе Мурињо нема замерки за неговите фудбалери кои пропуштија победа против Малага во последните минути...

Жозе Мурињо вели дека е нормално да се одигра нерешено или да се загуби натпревар во шампионатот, но не е природно да се победува на толку натпревари како што тоа го прави неговиот тим.
 
"Прашањето треба да биде што му се случи на мојот тим па победи на толку натпревари и дојде до неверојатни бројки, бидејќи да одиграш нерешено или да загубиш е нормална работа во првенството" - изјави Мурињо по натпреварот со Малага.
 
"Ќе имав причина да бидам незадоволен и критичен кон моите фудбалери доколку тие загубеа два бода поради лоша игра, но не можам да ги критикувам бидејќи дадоа се од себе, одиграа одлично во второто полувреме".
 
"Доминиравме во текот на целиот натпревар, имавме многу шанси, додека Малага тешко создаваше можности за погодок".
 
"Не постои првенство во кое еден тим победил на сите натпревари. Судијата направи две грешки но тоа не е важно бидејќи и тој може да погреши. Линискиот судија два пати погрешно досуди офсајд, но и тоа е дел од шампионатот. Тоа е тоа утре е друг ден, во среда играме друг натпревар".
 
"Беше тешко да влеземе во натпреварот. Малага е квалитетен тим кој се бори за квалификации во Лигата на Шампионите. Тие инвестираа многу. Играа добро во првото, но не и во второто полувреме".
 
"Прашањето треба да биде зошто вообичаено постигнуваме толку многу голови. Да постигнете еден или да не постигнете гол е нормално. Не мислам дека треба да ги критикувам моите фудбалери, немаа недостаток на амбиција. Не го критикувам ниту судијата, тој требаше да досуди два пенали за нас, но и тоа се случува".
 
"Можете да победите, да одиграте нерешено или да загубите натпревар. Понекогаш не победувате и покрај тоа што го давате најдоброто. Неприродно е да победите на толку натпревари како што победивме ние".
 
"Има уште 11 натпревари до крајот и уште 33 бода, тоа значи дека првенството е сеуште отворено. Треба да се грижиме само за нашите игри, бидејќи ќе освоиме само доколку обезбедиме доволно бодови".