Лига на Шампиони | Роберто Ди Матео не може да го сокрие задоволството по победата на Челзи над Наполи и пласманот во 1/4 финалето од Лигата на Шампионите...

Челзи синоќа одигра одличен натпревар, успеа да ја анулира предноста на Наполи од првиот дуел и да се пласира меѓу осумте најдобри во Лигата на Шампионите.
 
Ова беше и деби натпревар за Роберто Ди Матео како прв тренер во Лигата на Шампионите, по неговото превземање на тимот, Челзи врза три победи во серија.
 
Тој е пресреќен поради победата и има само пофалби за неговите фудбалери.
 
"Имаше два одлични тима на теренот. Ние бевме во многу тешка позиција пред натпреварот и знаевме дека ќе ни треба многу за да поминеме" - изјави Роберто Ди Матео по натпреварот.
 
"Перформансите на целиот тим беа фантастични, не само на искусните фудбалери, туку на сите. Давид Луиз не можеше да оди на крајот, Џон Тери имаше грч, Петр Чех направи неколку одлични интервенции, Дрогба, Торес, сите беа одлични".
 
"Многу значи за клубот што продолживме да играме во Лигата на Шампионите. Сите беа многу среќни, можевте да видите што значи овој резултат за фудбалерите, и задоволен сум од перформансите".
 
"Сум имал некои одлични ноќи во мојот живот, но оваа ќе оди во историјата".
 
"Со играта која ја прикажаа, фудбалерите покажаа пасија и грижа за тимот и фановите. Тоа ќе ни биде голем поттик за продолжението од сезоната".
 
"Знаевме дека треба да одиграме одлично. Покажавме пасија, квалитет и тимски дух, токму тоа ни беше потребно за да одиме понатаму".