Шпанија | Кристијано Роналдо вели дека нема желба за трансфер во Милан, и додава дека се чувствува одлично во Реал Мадрид...

Изминатиов викенд сопственикот на Милан, Силвио Берлускони истакна дека секоја вечер сонува за Кристијано Роналдо.
 
На денешната прес-конференција во пресрет на средбата помеѓу Реал Мадрид и ЦСКА во Лигата на Шампионите, медиумите го запрашаа Роналдо за изјавите на Берускони.
 
“И јас исто така имам многу сонови, но тие не се поврзани со фудбалот.” – рече Португалецот.
 
“Доколку Берлускони вели дека ме сонува, го почитувам тоа, но јас сум многу среќен во Реал и сакам да останам тука.”
 
“Италијанското првенство не ме привлекува премногу, но имам почит кон Калчото и таму има многу силни екипи.”
 
“Никој не знае што ќе донесе иднината, но добро ми е тука. Играм во Мадрид, со најдобрите фудбалери во светот, и учам секој ден.“
 
“Сакам да продолжам да играм за овој клуб.“
 
Роналдо исто така очекува Жозе Мурињо и следната сезона да биде на Сантијаго Бернабеу, и покрај тоа што силно се шпекулира дека стратегот ќе го напушти Реал Мадрид.
 
“Мурињо ќе продолжи со нас.” – додаде CR7.