Лига на Шампиони | Тренерот на Наполи, Валтер Мацари ќе биде на клупата за реванш средбата со Челзи во осмина-финалето од Лигата на Шампионите откако Судот за Спортска Арбитража привремено ја стави во мирување неговата казна...

УЕФА му изрече казна од два натпревари на Валтер Мацари, откако стратегот беше прогласен за виновен по обвинувањата за недолично однесување на гостувањето кај Виљареал.

Во последниот натпревар од групната фаза во Лигата на Шампионите што се одигра во декември минатата година, Мацари го турна Нилмар верувајќи дека напаѓачот на Виљареал намерно задржува време.
 
Мацари првиот натпревар помеѓу Наполи и Челзи, што минатиот месец се одигра на Сан Паоло, го следеше од трибините а стратегот и утрешната реванш средба требаше да ја проследи од ложата на Стемфорд Бриџ.
 
Но бидејќи Наполитанците доставија жалба до Судот за Спортска Арбитража, казната е ставена во мирување на привремена основа, па Мацари утре ќе седи на клупата и ќе им дава инструкции на своите фудбалери.