Англија | Еден Азар вели дека секој фудбалер се возбудва од клуб како Манчестер Јунајтед, но вели дека во овој момент тој се фокусира само на Лил...

Младиот репрезентативец на Белгија се поврзува со голем број клубови шрирум Европа, и се очекува летоска да замине од Лил.
 
Самиот Еден Азар истакна дека преферира преселба во Премиерлигата, па веројатно тој ќе се пресели во некој топ клуб од Англија.
 
Хари Реднап во неколку наврати лично ги следеше игрите на плејмејкерот, и менаџерот на Тотенхем потврди дека тие се подготвени да го одврзат ќесето за извонреден талент како што е Азар.
 
За услугите на фудбалерот интерес пројавуваат и Арсенал, Манчестер Сити, Ливерпул и Манчестер Јунајтед, а се говори дека Сер Алекс минатиот викенд присуствувал на средбата помеѓу Лион и Лил за да ги следи перформансите на Азар.
 
“Дали сум заинтересиран за Манчестер Јунајтед? Тоа е јасно, секој фудбалер се возбудува од ваков клуб, но во овој момент мојот фокус е насочен само кон Лил.” – рече Азар.
 
“Секако, задоволство е тоа што еден од најдобрите тренери во светот, ако не и најдобриот, ги прати моите настапи.”
 
“Сепак, кој вели дека тој дошол да ме гледа мене?”