Германија | Според пишувањата на медиумите од Јапонија, Борусија Дортмунд е фаворит за ангажман на 18 годишниот напаѓач Јуја Кубо...

Во 2010 управата на ’Милионерите’ го ангажираше тогаш малку познатиот Шинџи Кагава, но плејмејкерот за кратко време прерасна во голема ѕвезда на Сигнал Идуна Парк.
 
Се говори дека во Дортмунд може да пристигне уште еден Јапонец, бидејќи актуелниот шампион на Германија е главен фаворит за потписот на 18 годишниот напаѓач Јуја Кубо, кој го носи дресот на второлигашот Кјото Санга.
 
Nikkansports вели дека Борусија Дортмунд ја предводи трката за ангажман на Кубо, кој е следен од неколку клубови во Европа.
 
Извештаите велат дека преговорите сеуште се во почетна фаза и конечната одлука ќе биде донесена летоска.
 
Кубо доби повик од селекцијата на Јапонија за пријателскиот натпревар со Исланд во февруари, но не истрча на теренот.
 
Се очекува селекторот на Јапонија, Алберто Закерони на следните натпревари да му овозможи деби настап на Кубо во сениорската репрезентација.