Шпанија | Лео Меси изрази надеж дека Пеп Гвардиола ќе стави потпис на нов договор, бидејќи верува дека стратегот е фундаментален дел од Барселона...

Гвардиола е под договор со Каталонците до 30. јуни 2012 и сеуште не донел одлука за својата иднина.
 
Главната ѕвезда на Барселона, Лео Меси уште еднаш изрази надеж дека Пеп наскоро ќе стави потпис на нов договор, за доброто на клубот.
 
“Гвардиола е многу поважен за клубот отколку што е Меси.” – рече Аргентинецот.
 
“Тој промени се откако пристигна на кормилото на тимот. Освоивме многу трофеи, и според мене тој е фундаментален дел од нашиот проект.”
 
Меси потоа истакна дека тој и неговите соиграчи знаат малку за иднината на Гвардиола, исто како и оние кои не се дел од клубот.
 
“Ние сме во иста ситуација како и сите останати, чекаме тој да донесе одлука, но секако дека сакаме да остане, за доброто на клубот, фановите, и пред се, за наше добро.”
 
“Клубот ќе продолжи и без него, но работите тогаш ќе бидат многу потешки.”
 
“Тешко е да се пронајде друг тренер кој ќе може да го стори она што Пеп го направи тука.”
 
“Не треба да се гледа само на трофеите што тој ни ги донесе, туки и начинот на кој Барса победуваше.”
 
“Барса игра онака како што игра само поради тоа што Пеп сака да играме на таков начин.”