Италија | Златан Ибрахимовиќ продолжува да креира контровезии и упати недолични зборови кон новинарка на Sky...

Шведскиот репрезентативец покажа добри перформанси на дуелот со Лече, и со асистенција и погодок беше најзаслужен за победата од 2-0 што вчера на Сан Сиро ја забележа актуелниот шампион на Италија.
 
Но по финишот на средбата, Ибра повторно се најде во контроверзен настан откако упати недолични зборови кон новинарка на Sky.
 
Напаѓачот беше прилично нервозен поради големиот број на стории за конфликт и недоразбирање помеѓу него и тренерот Масимо Алегри.
 
Дискутирајќи на оваа тема со Sky и новинарката Вера Спадини тој изјави: “Има многу луѓе кои зборуваат и покрај тоа што не знаат ништо, па подобро е да замолчат.”
 
Неколку моменти подоцна, кога Ибра даваше интервју за Mediaset Premium тој продолжи гневно да гледа кон Вера Спадини, кон неа фрли гумено ластиче за коса и и се обрати со зборовите ’Што кур гледаш?’.
 
Вчера во вечерните часови Милан издаде соопштение во кое се велеше дека Ибра имал телефонски разговор со новинарката на Sky и двајцата ги расчистиле недоразбирањата.