Италија | ’Старата Дама’ реши да ги бојкотира медиумите во знак на протест против лошото делење на правдата на нивните натпревари...

Лидерите на Јувентус, тренерот и фудбалерите оваа сезона многу често се жалат дека биле оштетени од судиите, а исто беше и по вчерашниот натпревар со Џенова кој заврши 0-0.
 
’Бјанконерите’ веруваат дека се жртва на нова судиска неправда, па во знак на протест решија да ги бојкотираат медиумите.
 
’Старата Дама’ му замери на судијата Никола Рицоли за поништениот погодок на Пепе, како и за недосуден пенал откако дефанзивецот на Џенова, Карваљо го повлече за дрес Матри во шеснаестникот.
 
Од повторените снимки се чини дека голот на Пепе беше оправдано поништен поради мал офсајд, додека пак Рицоли можеше да покаже на белата точка за прекршок над Матри, и покрај тоа што и напаѓачот на Јуве го држеше противничкиот фудбалер за дрес.
 
Јувентус одигра пет ремија на последните шест натпревари и од можни 18 бода освои само 8, па Милан во моментов има +4 на врвот на табелата во Серија А.