Лига на Шампиони | Ѕвездата на Барселона, Лео Меси, новиот рекордер по број на погодоци постигнати на еден натпревар во Лигата на Шампионите вели дека најважно е да се освои трофејот од ова натпреварување...

Лео Меси синоќа имаше блескава партија за Барселона, Каталонците го победија Леверкузен, тој постигна пет погодоци.
 
Меси го сруши рекордот во постигнати голови на еден натпревар во Лигата на Шампионите, но за него се најважни тимските цели.
 
"Најважно е што овие погодоци не' однесоа чекор поблиску до освојување на титулата во Лигата на Шампионите, што е наша цел" - изјави Меси по натпреварот.
 
"Излеговме на теренот за да го завериме пласманот во 1/4 финалето и го направивме тоа".
 
"Од секогаш сум велел дека фантастично е кога работите се одвиваат добро за вас како што беше случај вечерва, но само кога ќе бидат исполнети тимските цели на натпреварот".
 
"Токму тоа се случи против Леверкузен. Тимот одигра многу, многу добро, имавме некои прекрасни моменти и постигнавме многу голови".
 
Меси веќе има постигнато два пати по четири гола, против Валенсија и против Арсенал, ова беше негов 14 хет-трик, и е во серија од 14 погодоци на пет натпревари за клубот и репрезентацијата.
 
"Уживам во моментите, така беше минатата недела со селекцијата на Аргентина, така е сега за мојот клуб. Најслаткиот дел за мене е дека тимот е во добра форма во моментов, победува со стил, на тој начин можеме да стигнеме далеку во Лигата на Шампионите".
 
"Што се однесува до ждрепката, не ми е грижа со кој ќе се паднеме. Сите клубови што се во оваа фаза се тука бидејќи одиграле многу добро, и кој и да ни се падне, ќе биде тежок противник".