Италија | Сопственикот на Милан, Силвио Берлускони вели дека нема да каже НЕ на можноста да купи Кристијано Роналдо, но една ваква зделка би се реализирала само по фер цена...

Карлос Тевез силно се поврзуваше со трансфер на Сан Сиро во зимскиот преоден рок, а сега се почесто се пишува дека Милан ќе се обиде да го ангажира Робин ван Перси впо крајот на сезоната.
 
Сепак, сопственикот на Милан би се одлучил за сосема друга опција доколку му се укаже таква прилика, а тоа е Кристијано Роналдо од Реал Мадрид.
 
Во интервју за шоуто Il Processo de Biscardi на тв мрежата 7 Gold, Берлускони рече: “Ван Перси и Тевез? Кои?”
 
“Нема да кажам не за купување на Кристијано Роналдо.” – продолжи екс-премиерот на Италија.
 
“Сепак, зделката ќе треба да се реализира по фер цена бидејќи во светот владее економска криза.”
 
Берлускони потоа застана во одбрана на Пато, кој има големи проблеми со повредите, и додава дека Златан Ибрахимовиќ ја заслужува ’Златната Топка’.
 
“Пато е шампион, но има проблеми со големиот број на повреди. Сега треба само да му дозволиме да се опорави целосно без да избрзуваме со неговото враќање на терените.”
 
“Ибра ја заслужува ’Златната Топка’.“
 
“За да ја освоите оваа награда треба да прикажете добри перформанси на интернационалната сцена, па се надевам дека тој ќе одигра добро за Милан во Лигата на Шампионите.”