Лига на Шампиони | Тренерот на Бенфика, Жорге Жесус е свесен за квалитетот со кој располага Зенит, но верува дека неговиот тим може да се пласира во четврт-финалето од Лигата на Шампионите...

На гостувањето во Санкт Петербург, Бенфика беше поразена со 3-2, но Жорге Жесус е убеден дека со помошта на своите фанови тие сега можат да ја надополнат оваа минимална негатива.
 
“На нашиот стадион, со добар терен и нормални временски услови, можеме да се пласираме во следната рунда.” – рече Жесус на прес-конференцијата.
 
“Знаеме дека играме против добар, силен тим. Според мене Зенит е најдобриот тим од Русија. Покрај тоа што имаат добри индивидуалци, тие исто така се многу добро тактички потковани.”
 
“Но на нашиот стадион, со поддршката на нашите фанови, мислам дека можеме да победиме.”
 
“Предвидувам тежок натпревар со погодоци на двете страни, но верувам дека ние ќе постигнеме повеќе голови и ќе се пласираме во следната рунда.”
 
“Сакаме да се избориме за четврт-финале, и по резултатот на првиот натпревар, со подршката на фановите и квалитетот кој го имаме, верувам дека можеме да успееме.”
 
“По ждрепката, шансите на двете екипи за прогрес во следната рунда беа 50-50. Иако загубивме на првиот натпревар, двата погодоци постигнати на гостински терен ни даваат самодоверба и чувство за пласман во четврт-финале.”
 
“Мислиме дека имаме добри шанси за продолжување на настапите во Лигата на Шампионите, но исто така знаеме дека се среќаваме со силен противник.”