Англија | Хари Реднап се смее на шпекулациите кои го поврзуваат со менаџерското столче на Челзи...

Реднап е фаворит за селекторското место во англиската репрезентација, но по отпуштањето на Андре Вилаш Боаш, некои медиуми почнаа да го поврзуваат и со Челзи.
 
Менаџерот на Тотенхем, негира дека би можел да седне на клупата на Челзи.
 
Запрашан дали би бил заинтересиран за работа во Челзи, Реднап на шала одговори: "Тоа е се што ми треба".
 
"Би било тешко, не би можел после да се вратам во Северен Лондон".
 
"Но за некои тоа е работа од соништата".
 
Реднап не се согласува дека е невозможно да се биде успешен во Челзи поради високите барања на сопственикот Роман Абрамович.
 
"Тоа е одлична работа за некого, сигурно. Тоа е клуб со кој можете да освојувате бидејќи сопственикот не се штеди".
 
"Тој изгради речиси неверојатен тренинг комплекс, купуваат фудбалери од највисоко ниво, имаат одлични играчи па тоа е работа од соништата за некој".
 
"Многу луѓе би ја сакале таа работа и шансата да работат во голем клуб со поддршката која ја добива менаџерот, но мора да бидете успешни. Тоа се правилата".
 
"Доколку не бидете успешни нема да останете до крај, но доколку бидете, небото е границата".
 
"Тоа е одлична работа за некој".
 
Жозе Мурињо е еден од кандидатите кои што се поврзуваат со клупата на Челзи, Реднап има само пофалби за Португалецот.
 
"Тој беше фантастичен тука, беше карактер и одлично си ја вршеше работата".
 
"Не може секој да отиде во Интер и да освои Лига на Шампиони, па да отиде во Реал Мадрид".
 
"Мислам дека тој е неверојатен, голем професионалец и би било чудно доколку се врати тука".
 
"Би било тешко да напушти клуб како Реал Мадрид, тоа е сигурно, но кој знае, Челзи можеби е клубот кој може да го привлече".