Англија | Менаџерот на Челзи, Андре Вилаш Боаш признава дека сенката на Жозе Мурињо демне на Стемфорд Бриџ, но додава дека истото важи насекаде во светот освен на Камп Ноу...

Мурињо го предводеше Челзи до две титули во Премиерлигата, два трофеи од Лига Купот и еден трофеј од ФА Купот.

Менаџерите кои потоа пристигнаа на Стемфорд Бриџ имаa проблем да го повторат ваквиот успех, а истото сега се случува и со Андре Вилаш Боаш, кој е под огромен пртисок.

Пред неколку дена ’Специјалниот’ беше во Лондон и бараше куќа, па повторно се појавија гласини за негово враќање во Челзи.

Младиот стратег е свесен дека сенката на Мурињо демне на Стемфорд Бриџ, но Вилаш Боаш не е премногу загрижен поради ова.

Португалецот вели дека сите клубови би сакале да имаат менаџер како Мурињо, и додава дека сенката на ’Специјалниот’ не демне само на Камп Ноу.

“Единствено место каде што сенката на Мурињо не демне е Барселона.” – рече менаџерот на Челзи.

“Неговата сенка демне на сите преостанати места, над голем број од тренерите.”

“Тој е еден од најдобрите менаџери во светот. Доколку имате можност да го ангажирате најдобриот, сите би го посакале него.”

“Неговото присуство секогаш се чувствува во Челзи и тоа е нормално. Најуспешниот дел од историјата на клубот е поврзан со Жозе.”