Англија | Сер Алекс Фергусон не гледа причина зошто ветеранот Пол Сколс не би можел да игра и следната сезона за Манчестер Јунајтед...

По завршувањето на минатата сезона, Пол Сколс објави дека се пензионира.
 
Но поради проблемите со повредени фудбалери, Сколс во јануари реши повторно да ги облече копачките и да му помогне на Јунајтед.
 
37-годишниот фудбалер прикажува одлични перформанси, па Фергусон не гледа причина зошто Сколс не би играл и идната сезона.
 
"Не сум дискутирал за иднината на Пол, но од она што го гледаме во моментов, нема причина зошто тој не би играл уште една година" - вели Ферги.
 
"Кога му реков минатата година, ти ќе играш 25 до 30 натпревари, тоа не му изгледаше доволно. Но мислам дека сега размислува поинаку".
 
"Откако започна да ги тренира резервите, работите му станаа појасни. Дојде кај мене и ми кажа дека направил грешка".
 
"Резултатите ги гледаме сега. Тој игра во фантастична форма".