Шпанија | El Periodico de Catalunya објави дека Сандро Росел и Пеп Гвардиола вчера се сретнале на вечера во домот на претседателот на Барселона...

На средбата присуствувале и потпретседателот за спорт на Барса, Хосеп Мариа Бартомеу, спортскиот директор Андони Зубизарета и првиот асистент на Пеп, Тито Виланова.

Една од темите на кои било разговарано е новиот договор на Пеп Гвардиола, кој побара додатно време за добро да размисли за својата иднина.

Извештаите велат дека на вчерашната средба не била донесена конечна одлука, но се направил значаен чекор кон продолжување на соработката, и се говори дека во блиска иднина ќе пристигне соопштение за новиот договор на Пеп.

El Periodico de Catalunya сугерира дека една од причините зошто Гвардиола сеуште не донел одлука, е здравјето на Тито Виланова, кој оваа сезона имаше проблем со тумор.

Се говори дека Пеп чекал потврда од својот асистент дека и следната сезона ќе биде покрај него на клупата на Барса.