Италија | Corriere dello Sport пренесува дека Милан посакува да го продолжи договорот на Златан Ибрахимовиќ до 2016...

Шведскиот репрезентативец, кој на Сан Сиро пристигна во 2010, во моментов е обврзан кон ’Росоњерите’ до 2015.

Денешното издание на Corriere dello Sport вели дека актуелниот шампион на Италија размислува да му понуди нов договор на напаѓачот.

Вчера во Миланело пристигнал агентот на Ибрахимовиќ, Мино Раиола кој се сретнал со потпретседателот на Милан, Адриано Галијани и спортскиот директор Ариедо Браида.

Се говори дека на средба се разговарало за можноста Ибра да стави потпис на нов договор со трајност до 2016, според кој Швеѓанецот во иднина ќе добива поголема плата.

30 годишниот напаѓач во моментов е фудбалерот со најголема плата на Сан Сиро, со примања од околу 9 милиони евра годишно.

Corriere dello Sport исто така пренесува дека тема на разговор била и иднината на Марк ван Бомел, кој е клиент на Мино Раиола.

Репрезентативецот на Холандија е под договор со Милан до крајот на сезоната, и се говори дека фудбалерот би можел да се врати во ПСВ.