Тони Фреикса вели дека Барселона посакува Гвардиола да стави потпис на нов договор, но додава дека и без Пеп клубот ќе продолжи да биде број еден во светот...

Гвардиола, кој е под договор со Барселона до 30. јуни, неодамна побара додатно време за добро да размисли за својата иднина.

Портпаролот на Каталонците, Тони Фреикса вели дека ваквото барање на Пеп е сосема разбирливо, и побара стратегот да биде оставен на мира.

“Она што Пеп го бара е разбирливо, и треба да го оставиме да работи на мира.” – рече Тони Фреикса во интервју за емисијата 8aldia на 8TV.

“Нормално е за некој што поминал четири години на највисокото ниво да побара време да размисли за вакви работи.”

“Многу сме среќни што го имаме најдобриот тренер во светот и сакаме тој да продолжи.”

Фреикса исто така се обиде да ги осигура фановите дека Барселона ќе продолжи да доминира на фудбалската сцена дури и ако Пеп замине од Камп Ноу.

“Гвардиола, (спортскиот директор) Андони Зубизарета и преостанатиот дел од персоналот веќе ги прават плановите за следната сзона.”

“Клубот ќе продолжи, со него или пак со друг тренер, и ќе останеме најдобриот тим во светот. Не треба да се грижиме за ова.”