Евро 2012 | Според пишувањата на медиумите од ’Островото’, фудбалерот на Тотенхем, Скот Паркер ќе биде капитен на Англија на пријателскиот натпревар со Холандија на Вембли...

Иако се најавуваше дека Стивен Џерард ќе ја добие капитенската лента, привремениот селектор на ’Трите Лава’, Стујарт Пирс на денешниот состанок со фудбалерите им соопштил дека Скот Паркер, кој има само дест настапи во дресот на Англија, ќе ја носи капитенската лента на вечерашната средба со Холандија на Вембли.

31 годишниот Паркер игра во извонредна форма по трансферот на Вајт Харт Лејн пред почетокот на оваа сезона, и за кратко време стана клучен фудбалер во тимот на Хари Реднап.

Тој вчера беше избран за Најдобар Фудбалер на Англија во 2011, во изборот што го спроведе Фудбалската Асоцијација на Англија а гласаа 15 000 фанови.