Весли Снајдер вели дека не е негов приоритет да биде во центарот на вниманието на пријателскиот натпревар помеѓу Англија и Холандија и да ги импресионира гигантите од Премиерлигата...

Холандскиот репрезентативец минатото лето силно се поврзуваше со трансфер во Манчестер Јунајтед, а се шпекулираше и дека интерес за неговите услуги пројавуваат Манчестер Сити и Челзи.

Весли Снајдер со Холандија утре гостува на Вембли, и многумина го гледаат овој дуел како идално место на кое плејмејкерот може да го покажа својот квалитет пред клубовите од Премиерлигата.

Сепак фудбалерот вели дека тој сака само да и помогне на својата селекција во дуелот со ’Трите Лава’.

Зборувајќи од тренинг кампот на ’Лалињата’ Снајдер рече: “Убаво е кога се игра на стадион како Вембли, и со нетрпение го очекувам дуелот.”

“Не е мој приоритет да одиграм добро и да бидам во центарот на вниманието за да ги импресионирам другите клубови.”

“Сакам само добар натпревар против Англија.”

Интер поминува низ еден многу лош период и поради слабите резултати се шпекулира дека клубот ќе му врачи отказ на тренерот Клаудио Раниери.

На средбата против Наполи, Снајдер беше заменат на полувремето а не негово место во игра влезе дефанзивецот Кордоба.

“Тренерот сакаше да игра со друга тактика, да игра подефанзивно, па затоа ме замени.” – продолжи Снајдер.

“Што мислам за замената? Имам мислење, но ќе го задржам за себе. Тренерот работи напорно, секогаш не мотивира и се обидува да најде излез од оваа криза.”

Powered by: 24 FUDBAL.com.mk