Евро 2012 | Стивен Џерард вели дека ќе биде горд доколку ја носи капитенската лента во селекцијата на Англија...

Џерард, кој беше капитен на Англија на Светското Првенство во 2010, се надева дека ќе може да ја носи капитенската лента и на Европското Првенство што летоска ќе се одржи во Полска и Украина.

’Трите Лава’ сеуште се без капитен откако ФА одлучи да му ја одземе капитенската лента на Џон Тери, потег кој придонесе Фабио Капело да си поднесе оставка.

“Доколку ми ја понудат капитенската лента, со задоволство ќе ја прифатам и ќе бидам горд.” – рече Џерард.

“Сепак, јас не ја носам оваа одлука. Најпрво Стујарт Пирс треба да одлучи кој треба да биде предводник на тимот, а потоа и оној што ќе ја превземе репрезентацијата на перманентна основа.”

“Но секако дека сакам да бидам капитен на Англија.”

За оставката на Капело, Џерард додаде: “Бев изненаден од ваквиот потег.”

“Мислев дека тој ќе остане се до крајот на ЕВРО 2012, до крајот на договорот, па затоа бев изненаден.”

“Мислам дека ова нема да влијае врз селекцијата на Англија.”

“Ќе добиеме нов селектор, тоа ќе биде нов старт. Можеби ова ќе ни ја донесе потребната мотивација за успешен настап на Европското Првенство.”