Италија | Тренерот на Јувентус, Антонио Конте вели дека тие ќе се обидат да ги освојат трите бода на гостувањето кај Милан...

Конте исто така вели дека очекувал жалбата на Милан да биде прифатен и Златан Ибрахимовиќ да настапи на вечерашната дерби пресметка, но стратегот додава дека отсуството на Швеѓанецот нема да промени ништо кај Јувентус.

“Ништо се нема променето од наш аспект.” – рече 42 годишниот тренер на Јуве. “Сакаме да победиме, без разлика дали Ибра ќе биде инволвиран или нема да биде инволвиран.”

“Уште од самиот старт на сезоната работиме на ова, да имаме прав менталитет и пристап, да го диктираме темпото на игра и да бележиме победи, без разлика дали играме дома или во гости.”

Запрашан дали неговиот тим може да биде порелаксиран поради отсуството на Ибра, Конте одговори: “Би било глупаво доколку бидеме релаксирани, Милан не е само Ибра.”

“Играме против бранителот на титулата. Тие се пред нас на табелата, и веруваме дека Милан е најсилниот тим во Италија.”