Италија | Интер ќе биде без услугите на десниот бек Маикон од две до три недели, а централниот дефанзивец Андреа Ранокиа ќе паузира околу еден месец...

Маикон заработи повреда на коленото на средбата со Марсеј во средата, и постоеа стравувања дека Бразилецот ќе биде надвор од стројот неколку месеци поради сериозно оштетуваање на лигаментите.

Но деталните тестови извршени врз фудбалерот вчера, покажале само мала повреда на тетивата, па Маикон ќе паузира од две до три недели, а не шест месеци како што сугерираа некои песимистички извештаи.

Покрај отсуството на десниот бек, надвор од стројот ќе биде и Андреа Ранокиа.

Италијанскиот репрезентативец, кој оваа сезона често се мачеше со повреди, на последниот тренинг заработил исекотина од втор степен во задната ложа на десната нога.

Интер не соопшти кога централниот дефанзивец ќе се врати на терените, но за ваков тип на повреда вообичаено е отсуство од околу четири недели.