Англија | Менаџерот на Челзи, Андре Вилаш Боаш соопшти дека Џон Тери ќе паузира од пет до шест недели по операцијата на коленото...

Капитенот на ’Сините’ вчера замина ’под нож’ со цел да ги отстрани проблемите кои му создаваа мака подолго време.

Медиумите шпекулираа дека Џон Тери ќе биде надвор од терените околу два месеци, но Андре Вилаш Боаш денеска откри дека дефанзивецот ќе паузира од пет до шест недели.

Менаџерот на Челзи рече: “Џон Тери не е во комбинација по операцијата на коленото, и ќе паузира помеѓу пет и шест недели.“

“Но се надеваме дека ќе успее да се врати на терените побрзо.“

За дуелот со Болтон под знак прашалник е Фернандо Торес, кој денеска не тренираше поради инфекција на грлото.

Хуан Мата ќе биде подготвен за средбата во сабота, и покрај тоа Шпанецот има фрактура на прстот, заработена на дуелот со Наполи во вторникот.