Италија | Златан Ибрахимовиќ ќе го пропушти дуелот со неговиот поранешен клуб Јувентус, откако Милан ја загуби жалбата поднесена против суспензијата од три натпревари...

Фудбалските власти во Италија го пратија Ибра на три натпревари ’ладење’ откако шведскиот репрезентативец го удри во лице Салваторе Ароника од Наполи.

Милан ја обжали ваквата одлука, и ’Росоњерите’ се надеваа дека казната ќе биде намалена, со што Ибрахимовиќ ќе можеше да настапи на дерби дуелот против Јувентус.

Актуелниот шампион на Италија побара потегот на Златан да биде окарактезиран како неспортско однесување, а не како насилно однесување.

Сепак, денеска жалбата беше одбиена, па Масимо Алегри нема да може да смета на услугите на Швеѓанецот и овој викенд.

Без Ибра во тимот, Милан забележа две победи, на гостувањата кај Удинезе и Чезена.