Останато | Според пишувањата на медиумите од Холандија, Гус Хидинк ќе седне на тренерското столче на супер-богатиот Анжи...

Извештаите велат дека Хидинк е во Москва каде треба да ги финализира деталите од соработката со Анжи, и се очекува во следните 24 часа да пристигне официјална потврда за преселбата на стратегот на кормилото на Анжи.

Се говори дека Холанѓанецот со клубот од Макачкала ќе стави потпис на 18 месечен договор, според кој ќе заработува 10 милиони евра годишно.

Доколку се реализираат ваквите најави, Андре Вилаш Боаш ќе дише малку послободно, бидејќи се шпекулираше дека Роман Абрамович би можел да го врати својот добар пријател Гус Хидинк на Стемфорд Бриџ.

65 годишниот стратег го предводеше Челзи на привремена основа во 2009, и на ’Сините’ им донесе трофеј од ФА Купот.

Се сугерираше дека Холанѓанецот одново би можел да го превземе кормилото на Челзи, доколку Андре Вилаш Боаш не почне да ги носи посакуваните резултати.

Powered by: 24 FUDBAL.com.mk