Англија | Репрезентативецот на Белгија, Еден Азар вели дека неколку клубови од Англија се привлечна опција за него, а помеѓу нив е и Арсенал...

Плејмејкерот на Лил пред неколку дена негираше дека има договор со Тотенхем, но призна дека по крајот на сезоната би можел да се пресели на Вајт Харт Лејн.

Еден Азар нагласи дека посакува кариерата да ја продолжи во Премиерлигата, каде интерес за неговите услуги пројавуваат и Арсенал, Ливерул, Манчестер Сити и Челзи.

Арсен Венгер често упатува пофални зборови на адреса на репрезентативецот на Белгија, а се верува едка Азар е голем фан на легендата на ’Топџиите’ Тиери Анри.

Запрашан дали убавиот фудбал е еден од условите кои ќе треба да ги исполнува неговиот иден клуб, во интервју за Sport/Foot Magazine, Азар рече: “Секако.“

“Секогаш е многу позабавно кога се игра убав фудбал. Покрај ова, во Арсенал има тренер од Франција, а и неколку фудбалери од Франција. Иста така, таму е и мојот сонародник Томас Вермален.“

“Ме привлекуваат неколку клубови од Англија, а Арсенал е една интересна опција.“

Еден период, медиумите често шпекулираа дека Азар побарал трансфер во Реал Мадрид.

“Јас никогаш не сум кажал дека сакам да се преселам во Реал Мадрид. Други луѓе говореа во мое име.“

“Очигледно е дека нема ништо против ваквата идеја. Кој не сонува за настап во Реал Мадрид? Или пак во Барселона? Не ја затварам вратата за ниту еден клуб.“

“Но убеден сум дека во овој момент, идеално место за мене е Англија. Знам дека ќе биде многу комплицирано, на моја возраст, да се изборам за првотимски статус во Реал или Барса.“