Англија | Арсен Венгер инситира дека нема вистина во извештаите кои велат дека Робин ван Перси ќе го напушти Арсенал и ќе се пресели во Шпанија...

Репрезентативецот на Холандија, кој е под договор со Арсенал до јуни 2013, игра во извонредна форма оваа сезона и зад своето име има 22 погодоци на 24 натпревари во Премиерлигата.

Поради тоа што сеуште нема ставено потпис на нов долгогодишен договор, медимите често шпекулираат за иднината на Ван Перси, а во последно време силно се говори за интересот на двата гиганти од Шпанија.

Пред два дена Marca објави дека Реал Мадрид го посакува Ван Перси, а мадридскиот весник вчера го цитираше фудбалерот како вели дека е поласкан од интересот на Кралевите, и дека е возбуден од идејата да игра на Сантијаго Бернабеу.

Самиот Ван Перси подоцна негираше дека дал интервју за весник од Шпанија, а и Арсен Венгер ги отфрла написите на Marca.

Менаџерот на Арсенал рече: “Искрено, Marca е прилично креативен весник, исто како некои весници од Англија.”

“Па затоа не можете да верувате во секој збор што го пишува Marca.”

“Marca, воопшто не се грижи за ништо. Мислам дека не прикажуваат прави докази, тие само креираат стории.”

Се најавува дека и Барселона ќе се обиде да го ангажира Ван Прси, но Венгер не помислува на продажба на напаѓачот.

“Од таборот на Барселона знаат дека секогаш имаат тешка работа со нас.” – додаде Французинот.