Јужна Америка | Адриано имаше проблем со вишокот на килограми и во пресрет на новата сезона од Копа Либертадорес, на напаѓачот му беше наредено да се врати во идеална тежина...

Со цел да контролираат колку и каква храна внесува Адри, управата на Коринтијанс реши да го ’затвори’ напаѓачот во тимскиот хотел.

Бразилецот јадел три пати на ден, а оброците му ги препишувал нутриционистот на клубот.

Покрај тоа Адри немал прилика да се забавува до раните утрински часови, и да се пијанчи во ноќните клубови.

Ваквиот напор на Коринтијас вроди со плод, и според извештаите на медиумите, Адри по само три дена од почетокот на строгата диета, симнал два килограми.

Неговата физичка подготвеност се подобрува и се очекува напаѓачот да се најде на списокот на фудбалери што Коринтијанс ќе ги пријави за настап во Копа Либертадорес.