Англија | Велшанецот Рајан Гигс стави потпис на нов едногодишен договор со Манчестер Јунајтед и ќе ја продолжи извонредната кариера на Олд Трафорд...

38 годишниот Гигс дебитираше во дресот на ’Црвените Ѓаволи’ во март 1991, и со Манчестер Јунајтед освои се што може да се освои, вклучувајќи рекордни 12 титули од Премиерлигата и две титули од Лигата на Шампионите.

Фудбалерот постојано велеше дека се чувствува добро, има глад за нов успех и не сака да стави крај на кариерата.

Ист став имаше и Ферги, кој во неколку наврати истакна дека посакува да го продолжи договорот на Гигс со оглед на добрите перформанси кои ги прикажува ветеренот.

По кратки преговори, двете страни успеаа да ги договорат сите детали, па Гигс ќе биде дел од тимот на Манчестер Јунајтед за сезоната 2012/2013 откако денес стави потпис на нов едногодишен договор.

“Рајан Гигс го продолжи договорот за уште една година.” – гласеше соопштението на актуелниот шампион на Англија.

Откако го продолжи договорот, Гигс рече: “Кога го потпишав мојот прв договор, никогаш не помислив дека ќе играм 22 години за Јунајтед, но се чувствувам добро и знам дека сеуште можам да дадам допринос и да помогнам тимот да се бори за титули.“

“Освојувањето на 19. титула во Премиерлигата беше одлично чувство, но клубот секогаш се фокусира на она што треба да го направиме во иднина, и навистина сум среќен што можам да бидам дел од тоа.“