Англија | Хари Реднап вели дека воопшто не помислил на селекторското столче на Англија, и вели дека во овој момент тој се фокусира само на работата во Тотенхем...

Откако Фабио Капело вчера си поднесе оставка, Хери Реднап беше посочен како огромен фаворит за селекторската функција во Англија.

Се говори дека Реднап до крајот на сезоната ќе извршува двојна задача и ќе ги предводи и Тотенхем и Англија, а потоа ќе се фокусира само на работата со ’Трите Лава’.

Но во разговор за Sky Sports News стратегот вели дека воопшто не помислил на можноста да го наследи Фабио Капело на кормилото на Англија.

“Не знам ништо за работата со селекцијата на Англија.” – рече Реднап. “Воопшто не сум помислил на нешто такво.”

“Имам работа која треба да ја извршувам, Тотенхем има голем натпревар во сабота. Во моментов се фокусирам на Тотенхем.”

“Луѓето од Тотенхем фантастично се однесуваат кон мене. Минатата недела на средбата со Виган добив голема поддршка од фановите.“

“Нема да биде фер доколку се фокусирам на нешто друго, па затоа јас сум заинтересиран само за Тотенхем.”

“Фудбалската Асоцијација ќе донесе одлука, и се надевам дека тоа ќе биде правилна одлука за Англија.”