Останатo | Реал Мадрид и Барселона трета година по ред се фудбалксите клубови од Европа кои генерираат најголем приход...
Се чини дека двата гиганта од Шпанија и во блиска иднина ќе ја задржат оваа доминација со оглед на тоа дека имаат предност од стотина милиони евра во одос на најблиски конкуренти.
Реал Мадрид седма година по ред е прв на листата на Дилојт со остварен приход во сезоната 2010/2011 (односно финансиска година која завршува на 30 јуни) од речиси 480 милиони евра.
Актуелниот шпански, европски и светски шампион, Барселона е на втората позиција со приход од 450 милиони евра.
Шампионот на Англија, Манчестер Јунајтед одново е на третата позиција со приход од 367 милиони евра, а четвртата позиција е резервирана за Баерн Минхен, кој забележал приходи од 321 милион евра.
Арсенал со приход од 251 милион евра ја комплетира топ петката на Football Money League на Дилојт.
Доколку Реал остане уште една година на врвот на оваа листата, ќе го изедначи успехот на Манчестер Јунајтед, кој беше недопирлив на листата на Дилојт во периодот од 1997 до 2004.
Но од Дилојт пренесуваат дека Барса има реални шанси да го симне од врвот својот лут ривал, особено ако Каталонците успеаат да ја одбранат титулата од Лигата на Шампионите.
Приходи во сезоната 2010/2011 во милиони евра.
1. Реал Мадрид 479,5
2. Барселона 450,7
3. Манчестер Јунајтед 367
4. Баерн Минхен 321,4
5. Арсенал 251,1
6. Челзи 249,8
7. Милан 235,1
8. Интер 211,4
9. Ливерпул 203,3
10. Шалке 202,4
11. Тотенхем 181
12. Манчестер Сити 169,6
13. Јувентус 153,9
14. Марсеј 150,4
15. Рома 143,5
16. Борусија Дортмунд 138,5
17. Лион 132,8
18. Хамбургер 128,8
19. Валенсија 116,8
20. Наполи 114,9
