Германија | Уште на почетокот од оваа недела медиумите од Германија и Швајцарија пренесоа дека Базел и Баерн Минхен постигнале договор за трансфер на Џердан Шакири на Алианц Арената...

Баварците се насочија кон 20 годишниот швајцарски репрезентативец, по неуспешниот обид за ангажман на Марко Ројс, кој одлучи кариерата да ја продолжи во Борусија Дортмунд.

Баерн Минхен не открива детали од зделката, но според пишувањата на весниците, трансферот на Шакири е вреден околу 9 милиони евра плус уште неколку додатни милиони во бонуси.

“Баерн Минхен и Базел ги договорија условите за трансфер на 20 годишниот Џердан Шакири.” – гласеше соопштението на Баерн.

“Фудбалерот ги помина редовните лекарски прегледи и стави потпис на четири годишен договор, кој стапува на сила на 1. јули 2012 и е во трајност до 30. јуни 2016.”

По комплетирањето на зделката, спортскиот директор на Баерн, Кристиан Нерлингер рече: “Задоволни сме што стигнавме до потписот на Џердан Шакири, кој е еден од најбараните таленти во Европа.”