Шпанија | Атлетик Билбао е првиот финалист во Копа Дел Реј откако со убедливи 6-2 го совлада Мирандес во реванш полуфиналниот натпревар...

Со вкупни 8-3 Атлетик Билбао се пласираше во финалето на шпанскиот куп, тука заврши сонот на храбриот Мирандес.
 
Атлетик Билбао и Мирандес одиграа интересен натпревар исполнет со шанси и дури осум погодоци.
 
Победата на Атлетик Билбао ја најави Мунаин уште во 11. минута од натпреварот, веќе во 14. Сусаета зголеми на 2-0, а третиот гол за домаќините беше дело на Ауртенете во 22.
 
Во 57. минута Мирандес успеа да ја затресе мрежата на Билбао, Бланко постигна гол и намали на 3-1.
 
Љоренте со прекрасен лоб удар во 71. минута зголеми и на 4-1, напаѓачот четири минути подоцна постигна гол и за 5-1.
 
Бланко повторно стрела прецизно за Билбао, овој пат во 86. минута за 5-2, конечните 6-2 ги постави Канеда во 88. со автогол.
 
Вечерва Барселона ја пречекува Валенсија на Камп Ноу, првиот натпревар одигран на Местаља заврши без победник 1-1.