Англија | Давид Де Геа е уверен дека уште многу години ќе го брани голот на Манчестер Јунајтед...

21-годишниот голман на Олд Трафорд пристигна со голема репутација, но по првите натпревари и неколкуте киксови брзо го наруши својот углед.
 
Де Геа имаше атрактивна интервенција на дуелот против Челзи со која го спаси својот тим од пораз, има верба во своите квалитети и верува дека ќе го покаже својот талент.
 
"Имам намера да останам многу години во Манчестер Јунајтед" - вели Де Геа.
 
"Сакам да бидам одличен голман на Јунајтед и да ја придобијам почитта која ја заслужувам. Сакам да му помогнам на Јунајтед да креира историја".
 
"Мислам дека е фер да се каже дека Ла Лига и Премиер лигата се двете најдобри лиги во светот".
 
"Но добро е познато дека стилот тука во Англија е пофизички, и како голман треба да се справувате со тоа. Потребно е да бидете внимателен во текот на целиот натпревар".
 
"Фудбалерите кои напаѓаат можат да шутнат од секој агол и од било која далечина. Треба да бидете свесни дека може да ви шутираат од далечина во било кое време".
 
"Има многу нафрлувања од страните, многу високи топки и многу воздушни дуели. Па треба да бидете секогаш на вистинското место и да ги блокирате, да интервенирате и да ја спречите акцијата на противникот".
 
"Го знаев тоа пред да дојдам во Јунајтед, тоа е стилот на игра тука. Па бев подготвен и бев убеден дека можам да успеам".