Англија | Судот го прогласи за невин менаџерот на Тотенхем, Хери Реднап по обвинувањата за затајување данок...

Обвинителството покрена постапка против Хери Реднап и Милан Мандариќ и го обвини дуото за даночна измама, откако Реднап на офшор сметка во Монако добил две исплати во вкупна вредност од околу 300 000 долари.

Обвинителството велеше дека Реднап првата исплата во вредност од 145 000 долари ја добил како бонус поради тоа што од продажбата на Питер Крауч му донел профит на Портсмут.

Втората исплата Реднап (тогашен менаџер на Портсмут) ја добил како бонус за победата на Портсмут над Манчестер Јунајтед.

Обвинителството верува дека Реднап требал да плати данок на овие пари бидејќи биле бонуси, но одбраната на сегашниот менаџер на Тотенхем го негираше тоа.

Одбраната објасни дека парите биле инвестиција што ја направил господонот Мандарич, а Хери Реднап пред судот изјави дека е практично неписмен и не знае како да направи затајување на данок.

По долго разгледување на доказите, поротниците одлучија дека исплатите што ги направил Мандарич на сметката на Реднап додека тие ги извршувале фунцкиите претседател и менаџер на фудбалскиот клуб Портсмут биле легитимни бизнис инвестиции, па Хери Реднап е ослободен од обвинувањата за даночна измама.