Англија | Кени Далглиш е среќен поради враќањето на Луис Суарез на теренот по осум натпревари суспензија...

Суарез ја одлежа суспнезијата од осум натпревари поради расистички навреди кон Патрис Евра и синоќа ги одигра последните 25 минути од натпреварот против Тотенхем.
 
Далглиш е среќен што го има Суарез повторно на располагање, но вели дека тој и воопшто не требало да биде суспендиран.
 
"Ние не мислиме дека тој воопшто требаше да биде суспендиран, но среќни сме што го имаме назад" - вели Далглиш.
 
"Тој не играл од декември, па немаше да биде фер да го ставам од самиот старт".
 
"Според мене, Луис Суарез нема потреба на никого ништо да докажува во Ливерпул".
 
"На секој натпревар на кој настапува се труди да даде допринос. Едноставно тој е таква личност".
 
"Кога го гледате со топката, секогаш мислите дека ќе направи нешто од кое ќе има корист тимот".
 
"Не можам друго да кажам за него".

Powered by: 24 FUDBAL.com.mk